*** تصدق ***

لبيك ياللي خطوتك تغزل مسافات العبير
بالمسك و الكبر المزخوف و السطور الحافلة

لبيك لا واريتني وش عقب الموت الأخير
في ليلة تدمح خطاها ركعتين النافله

لأنك تعرف أني ليا اشتبشرت أستبشر بخير
لكنك تجهل يتم و قتك و اليدين الكافله

تصدق أن الوقت هذا غير و أن الناس غير
واتصدق أن ما عاد باقي شي حتى تخاف له

شوف الأسد يمشي على راي المهاه ولا يشير
والمشكلة لا هو بمستغرب ولاهي جافله

وأتصدق أن أغلب رعاة الحرف خوانة ضمير
شفت الأدب هذا يبيعونه لنظرة سافلة

واتصدق ان حمل البعير تبعزقه دودة حرير
واتصدق ان الوقت ذا غافل و ناسه غافله

من أولا تنبح كلاب و قافلة الاحمل تسير
واليوم لا تنبح كلاب و لاتسير القافله



إإهداء خاص لمشرفنا العزيز

وسلامتكم /

صح السانك
على راسي ومشكور على الاهداء
شكلي بعتزل الشعر

صح لسان من قال ومن نقل يعطيك العافيه