دوانيه الرجل (( حياكم شباب))

بسم الله الرحمن الرحيم

اعضــــــــــاء المنتدى الغالين
يشرفني فتح هذي الدوانيه للشباب حق السوالف والتعارف

شبااااااااب اللي يبي يسولف ويسأل عن احد هني والدوانيه مفتوحه على طووووووووووووووول
نبي تفاعل منكم

حياكم الله نورتونا

تحياتي لكم

الف مبرووووووووووووووك افتتاح الدوانيه
ادري داشة عرض بالموضوع ومو مكان بنات بس قلنا نسلم

بس كأن دوانيتكم فاضية

انشالله تنترس يارب

لووووووووووول اللقافه شلوون صااايره Smile

لووووووووووووووووووووووووووووووووول اللقااااااااافه منبعها احنا البنات

سلام عليكم الديوانيه فاضيه ماكو جاي ولا قهوه ولا قعود ؟ بنات تعرفون تلعبون كوت بو 6 عشان نلعب Laughing

ودي العب بس ماعرف عموما شكلي انا اللي بييب الجاي والقهوة والحلو خليها ديوانية من الطبقة الالمعيه
شهالديوانية الكحيتي Razz

خخخخخخخخخخخخخخخخخخخخخخخخخخخخخخخ

السلام عليهووووووووم شلونكم شباب وبنات دؤووووووووم عامرة الدوانيه انشألله حياكم الله

عليكم السلام بووووس وأي الدوانيه مغبرة مغبرة يبيلها ترتيب وتنظيف وسائ ومعجنات حق غضنفري نفس ملوت مدرسة بيان لووووووووووووول

محضرة زقرتيه كتب:: عليكم السلام بووووس وأي الدوانيه مغبرة مغبرة يبيلها ترتيب وتنظيف وسائ ومعجنات حق غضنفري نفس ملوت مدرسة بيان لووووووووووووول

اختي زقرتيه جنه في بدليه ولا يتراوالي Suspect

لوووووووول

لوووووووووول أي في ساي< شاي لوووووووووووووووووول

السلام عيليكم
ومساكم الله بالخير000
حبيت اسلم عليكم واتشرف ابمعرفتكم بس الظاهر اليوم مو يوم الديوانيه امركم ابوقت ثاني Laughing

وعليكم السلام
هلا وغلا أخوي احمد نورت الدوانيه وشرفتنا بأنظمامك والشباب مو موجودين بس انشألله بيمرون حياك الله

الله يحيج ومشكوره

السلام عليكم

شلونكم شباب وصبايا عساكم بخير

اليوم خواتي وامي طالعين ومخلين العيال يسرحون ويمرحون في البيت العود بيت ابوي الله يخليه فقلت انا تعالوا يالشباب اطلعكم عاد منو الشباب ...؟؟

ولدي حسون عمره 3 ونص وولدي عزوز عمره 8 وجم شهر وولد اختي حمود عمره 6ونص واخوه علاوي عمره
5 يعني طلعه مزعطه اللي مو عارف شنو يعني مزعطه يعني طلعه يهالوووو

عاد قالوا خواتي ثنتين بنيي وياج ووحده من خواتي خذت بنتها وحيدتها ملوكه عمرها سنتين ونص ويانه

الله لايوريكم الطلعه

ويييييييع وييييييييييييييييع

تحسفت اني طقيت السدر وقلت بطلعكم يننوني مادري شنو شاربين كل شوي يبون حمام عزكم الله
عاد انا قلت بوديهم ستي سنتر احلى مجمع حق اليهال بس الله وكيلكم زححححححمة ومالقيت مسفط وطلعت وبدت رحلة الشقا Sad

اختي قالت مشتهيه اروح طيور الجنه اللي بشارع البحرين (( طلعه كحيتي حدها Sad

)) فقلت يالله طبعا ام الزحمه على ماوصلنه والشباب حنه ورنه ورطوبه وفيهم ..........!! وبمجمع طيور الجنه مافي حمام واللي معاي شباب حلوين شغبر فيهم Sad

جان اشتري بطولة ماي صحة واصير مثل البنغال الله وكيلكم ادور مكان ظلمة وبين السيارات القديمة المدعومه واالشجر وواحد ورى الثاني اسويله غسيل وتشحيم Sad

ياالله شهالبلوى Evil or Very Mad

وعقب طبعا محد يبي يروح طيور الجنه ماعجبهم المكان الشباب يتحلطمون شنو خالتي كوثر وين موديتنه شهالطلعه الكحيانه هههههههههههههههه
وخواتي ماتوااا من الضحك على حالتي الكسيفة وياهم .......... يتبع بس بعد مارتاح شوي تعبت من الكتابه
scratch

السلااااااااااااام عليكم جميعا ...

حبيت اسلم على اخونا احمد وارحب فيه كعضو واخو معانا بالمنتدى ونستفيد منه ويفيدنا بعد .

واليوم والله رحت يبت الخدامه ....

وكان عندنا يمعة ريايل بمناسبة قص مهر بنت اخوي Smile

وبعدين رحت القهوه لعبة كوت Smile

( وفزت طبعا )

وبوعباس طلع باون وخسره هههههههههه ضحكة عليه ضحك <=------ شمات Smile

اكملكم الرحله التعبانه Sad

وعقب طيور الجنه كل واحد بالسياره يقترح مكان ومن نشوف الزحمه عند شارع دوار البدع نهون عن طلعه البحر ومطاعم شارع الخليج عاد بنت اختي قالت :‘‘ كالتي وتّر وديني ماكونالز انا ياعيت ابي وجبه ‘‘ طبعا الحجي كله بدليات
كالتي يعني خالتي ووتر هذا اسمي اليديد Smile

من كوثر لي وتر

عموما ماطول عليكم السالفه
وورحنه ماكدونالدز اللي في بيان لانه بيت اهلي هناك واقرب شي علينه ... ومن بعيد نشوف زحمه السيارات طابووووووور شطوله على خدمة السيارات قالو خواتي يمكن لمن ننزل ونطلب احسن وفعلا دشيت المواقف توني بسفط جان يقولي ولدي عزوز يمااااا شوفي الزحمه داخل عند المحاسب طوابير

وييييييييييييييي كلش مو بشاره
وين نروووح ؟؟؟

عاد قلت شرايكم اوديكم بيت ماما حجيه نطلب بالتلفون مو احسن .....!! وبلا مطعم وبلا طلعه مو ضروري

انا قلت هالحجي مابغيت الا عمري

affraid

قامت القيامة على راسي

شنو هذا مانبي بنروح مطعم ودينه العاب شهالطلعه...... من هذا حجوة ومن ذيج حجوة

قلتلهم وين اوديكم ماتشوفون الزحمة قالت اختي ماكو الا بيتزا اللي بالجابريه ويمها برجركنق حق اللي مايبي بيتزا

الشباب حبواا الاقتراح وفعلا رحنه والا شحلاتها الجابريه صارت بالنسبه للسالمية خااااااالية
دشينه المطعم والا الحلوين بيروحون الحمام عزكم الله للمرة الثانيه Sad

وخذيتهم واحد ورى الثاني يفضون المعده قبل الاكل خخخخخخخخخخخخخخخخ

وطلبواا خواتي ووصل الطلب وكلو الشباب بالف عافيه والامن مستتب ... جان ينط ولدي الصغير حسووون ( طبعا فيه لدغه بالراء يقولها لام وبالخاء يقولها حاء وبالغين يقولها عين ) مت عليه من الضحك قالي : يما بقولج شي بس مو تزفيني
ههههههههههههههههههه
قلت : شنو حبيبي قول ماراح ازفك ...

قال : يما انا مابي اطلع بعد ولا ابي اكل قلتله : ليش شفيك ؟؟
قال : يما مادلي (يعني مادري) شفيني كل شوي بطني يعولني (يعني يعورني) بلوح (يعني بروح )الحمام قولي حق حالتي (يعني خالتي) توديني

وطبعا اختي مستحيل تودي اليهال حمامات فماكو غير التعيسة انا Sad

طبعا ولدي ضروري قبل الاكل حمام وبعد الاكل حمام Rolling Eyes

بس واخييييرا استقرينه بمكان نقعد فيه عقب هالفراره ....

الشباب خلصوا اكلهم وراحوا غسلوا ايدهم وركبنه السياره واحنه بالطريج رايحين بيان بيت اهلي والا واحد من اليهال قال وديني خالتي الحمام بسرررررعه affraid

يننتوني ماصارت حمامات شنو شاربين زهورات ...؟؟

وهذي قصتي التعيسه لهذا اليوم ادري طولت عليكم سامحوني

ماصارت طلعه شهالحاله الكسيفه واشوفكم على خير بقصه حلوة

لووووووووووووووول

مشرفه يعني انشالله على هذه الطلعه ..

يوم الاحد ماخذه عــــرضي Smile

والله يا محمد شكلي جذيه

Mad

على العموم يعطيج العافيه ...

وكل هذا في ميزان حسناتج

بالمبارك على بنت اخوووك والفال حق بناتنه المحضرات وشبابنه العزوبيه

وانت بعد مبرووووووك عالفووووز Smile

ويعطيك الف عافيه

الله يبارك فيج ....

ترى اليوم طارح مواضيع وايده دوري عليهم Smile

ويييييي غضنفري شكلي بجابل المنتدى واكشت بغده زوجي وعيالي
اول شي يعطيك الف عافيه على مجهودك بالمنتدى
وثانيا اقترح عليك ....
لاتحط مواضيع واايد مرة وحده مايمدي نرد على الموضوع والا نقره والا نكتب موضوع يديدوفي مواضيع ردينه عليها ومحد شافها من كثر مايت مواضيع غيرها

انا برايي انه كل يوم يكون كل شخص له 3 مواضيع كافي عشان نقدر نرد ونقره ونعطي فرصه حق ناس ثانيه تحط مواضيعها والا شرايك يالمراقب ؟؟

السلام عليكم....

اختي مشرفة مختبرات ... المنتدى صراحه يوم دشيته كان اقرع مافي شي ... وانا نزلت مواضيع حتى اترسه وصراحه الي كان يحط شغلات علميه الوحيده دره فيلكا وانا ساعدتها ...
بس الحين كلامج صحيح لازم كل واحد له 3 مواضيع كل اسبوع حتى المواضيع تاخذ حقها من الاعضاء

والمنتدى طبعا يرتقي فيكم انتو كإداره ومراقبين ومشرفين واعضاء ولولاكم المنتدى ما يرتقي ... وانا اشكر جميع من ساهم في هذا المنتدى في طرح مواضيع شيقه وجميله ...

وشكراً

تحيـــاتي

تسلملي والله غضنفري بس شوي بالاسبوع 3 مواضيع خلها باليوم موضوعين حق الشخص الواحد ويصير بالاسبوع 14 موضوع حق العضو وبجذي نكون عطينه فرص اكبر للي بيشارك واللي بيقره

وشاكره لك مجهودك وتفهمك يالغالي

تم اختي المشرفه ...

مايصير خاطرج إلا طيب ... Smile

تحيــــاتي

» للشبااااااااااااب حياكم :)
» ورشة عمل طريقة عمل المحاور البلورية حياكم الله
» ¨°o.O ( حواجب الرجل ) O.o°¨
» علامات حب الرجل للمرأة
» تنبيه احذروا الرجل