زياااادة الرواتب هااااااااام

[center] السلام عليكم ورحمة الله وبركاته[/center] أخوكم ابو ادهم محضر علوم قبل متكلم فى اى حاجة ياريت منقلبش نقاشنا لوافدين وكويتيين احنا زملاء تحت مسمى وظيفى واحد, مسمى وظيفى ملوش اى حقوق ولا مزايا ولا احنا معلمين ولا اداريين طبعا احنا راسميا تحت بند اداريين بس عملنا مش أدارى ياجماعة عموما أدخل فى الموضوع النهاردة وصلت المدارس نشرات بزيادة راتب أعضاء الهيئة التعليمية بدل سكن للمعلمين الوافدين وطبعااا احنا لا ولما سألت فى الادارة قالولى هوة انت اعضاء هيئة تعليمية ههههههههههههههههههههه المهم لحد امتى هنفضل ساكتييين مفيش حد فينا بيطالب لازم نبقى ايد واحدة نوصل احتجاجتنا بشكل رسمى والموضوع مش زيادة للوافد والكويتى لا او العكس الزيادة لازم تكون للجميع مع مراعات ان للكويتى الحق الاكبر دى بلده هوة المعلم من حقه بدل سكن والمحضر يسكن فى الشارع ولا ايه احنا بكالوريوس وهوة بكالوريوس احنا لازم نزيد كدة حراااام ولازم يبقى لينا بدل أمان مهنتنا بنتعرض فيها لأخطار كتيررر ,يازملائى ياريت نتفاعل مع بعض على مستوى كل محافظات الكويت الى يعرف منين ممكن نبدأ يدلنا

السلام عليكم يا اخى انا بضم صوتى الى صوتك كيف نكون بنعمل فى وزاره واحده ومجال واحد وكيف يكون المدرس يكون عضو هيئة تدريس واحنا ليس لنا صفه كمان يزودوهم بدل سكن واحنا نسكن فى الشارع ههههههههههههههههههههههههههههه تعرف الحل ايه انا اقولك الحل انى احنا نجمع نفسنا وناخذ معنا كام خيمه رمزيه ونروح نقف وقفه حضاريه جدا امام وزارة التربية لنعبر لهم بلافتات اننا لنا الحق فى بدل سكن ولسنا من سكان الشوارع يارب كلنا نكون ايد واحده والبلد ده بلد خير واهلها اهل خير بس لازم نطالب بمطلبنا بحضاره

السلام عليكم ورحمة الله وبركاته
شكرا يا استاذ طارق على ردك للاسف عدد المشاهدين للموضوع كتير بس مفيش حد متفاعل معانا ليه ؟ فكرة الخيم ممتازة بس غالبا بعدها هتندرج تحت مسمى ثورة ههههههههههههههههههههههههههههههههه فى كذا نقطة بفكر فيهم ومكن نبتدى نتحرك فيهم بس يلا معانا يامحضرين عايزين تفااااعل